tagesdubel

ja es isch eifach de hammer gsi. möchti allne no danke wo am friitig im Celler bzw. im Nelson gsi sind und met mier zäme eine duregäh händ. esch legendär gsi. eifach de hammer. werdes sicher ned vergässe. am samschtig hämmer no en chlini abschiedsparty gmacht bi mier ide hütte. esch kuhl gsi und eifach mega luschtig. han scho lang nüme so vill glached :-) alles geili sieche. Tania, Annina, Cat, Stephan, Alex, Héctor, Mohammed. er sind genial thanxxx a lot. 

es isch eifach echli komisch, wenn mer so am flughafe hocked nach 3 super mönet. alles lauft eim wie en film vor de auge nomal dure und es isch eifach schreg :) aber schön. mer erinnered sich a jedes detail und was mer alles so erläbt hed. isch eifach sensationell gsi. möcht allne lüüt danke wo ich känneglernt han und wo ich d'ziit ha chöne verbringe.

hüt hani s'goldlos zoge für de tagestubel. zerscht hed mi sone unfründliche amerikaner zämegschisse will ich mis gepäck im flüger inne a sin platz tah han, meine ja sorry wenns kei platz meh hed, denn suecht mer sich halt eine. egal. er hed sich denn weder beruhigt. guet keini 5 minute chund de nögscht ami und hed öppis zmeckere. er hed gmeint ich sölli doch bitte d'musig abschalte sie sigi zluut. luschtigerwiiis hani gar kei musig glost. super oder. hei. scheiss amis. send sowieso es unfründlichs pack, hani de iiidruck. guet d'kanadier sind natürlich eifach genial. und das isch schwirig zum toppe. aber d'amis händ s'gfühl sie heged d'wält erfunde. ächt unglaublich. am flughafe in chicago wett der niemer richtig hälfe, wenn ned weisch wo ane dass muesch. die interessierts en füechte was du da verloore hesch und das zeigeds au grad use. tzz. ja egal.

glandet bini au super ide schwiiz, alles beschtens und nüd nois hani entdeckt. ah mol de h&m in zug für d'männer händs echli besser gmacht, aber bi nüd go shoppe. suscht weissi eigentlich nüme zum brichte.

adios und ja bilder wo no fähled folged denn no..

go canucks go

Geschter bini am Vancouver Canucks pre-season game gäge d'Edmonton Oilers gsi. d'Canucks händ 2:1 gwunne und es isch eifach de hammer gsi. voll geils ambiente und wüssed ier was??? es gid kei geilere, bessere und spannendere sport als Ishockey. Fuessball, American oder Canadien Football, Golf oder was au immer, cha alles iiipacke und isch eifach nome langwiiiilig gäge Ishockey. sorry folks aber das hed jetzt eifach einisch müesse gseid siii.

so wie isch s'game gsi. amazing hani ja scho gseid. mer sind rächt wiiit obe gsi ime stadion wo guet 18'630 nase platz händ. aber es isch huere guet gsi zum luege. mer händ de pögg easy gseh und es isch eifach entertainment pur gsi. 3 schlegereie hets gäh und 3 geili goals. defo 2 für d'Canucks natürlich :-) hehe. de Goalie (Luongo und en rookie) hed en super job gmacht und es paar nice safes häregleid. es isch eifach de hammer gsi.

am beschte lueged ier morn oder so nomal da ufe blog und gönd euch d'föteli go aaluege wenn ich sie ufeglade han.

cheers from downtown vancouver and general motor stadium :-)

Grande Finale

So die wuche isch ja mal weder einiges los gsi. zerscht wie immer bitte d'föteli go beguetachte :-)

da gahts zude fotis vom Baden Powell alias "The Rock"

d'Annina und d'Valérie sind ja no bi mier gsi und händ ihres gepäck zwüscheglagered. ja und denn simmer doch no paar mal go partee mache. isch ächt kuhl gsi. am mäntig bini am Mexican Independence Day gsi. es isch ja weder mal en klassiker gsi wie eifach dass mer en risigi schlange chan umgah voreme klub zum ned müesse zwarte. tzzz. Mexican Style halt. bin denn zude tickets cho und denn hämmer no de türsteher schnell bestoche und schwups simmer im Plush inne gsi. denn ischs los gange. also ja ich han mer en gmüetliche obig gmacht mit dance und trinke und "Viva Mexico, Viva, Viva Mexico, Viva,...) singe. esch mega luschtig gsi. bin öppe de einzig gsi wo ned us mexiko cho isch. tja anyway. hed spass gmacht. mini beide kollege händs denn natürlich no total übertribe und sind de zu hertere sache cho. wos das weder her gha händ isch mer au keis rätsel anere mexiko-night. ja egal. die sind de natürlich plötzlich huere parad gsi und scho bald am flüüge gsi. irgendeinisch am morge früeh simmer denn heigange. esch easy gsi. ächt funny.

am ziischtig bini denn mit mim kanadische roomie umeghängt und sine kollege. han ja schliesslich au chli müesse änglisch rede :-) ja das isch amigs no guet. denn simmer veruse ghocked, händ öppe es bierli trunke und wasserpfiiife dampfed. super gsi. Am Donschtig bini met em alex denn is Raven eis go schnappe. es sind no 2 arbetskolleginne cho vo ihm und denn hämmer öppe eine übere durscht drunke. tja. egal. aaschlüüssend simmer denn no deheime echli go wiiter büchse und händs eifach prächtig gha. 

Am friitig hätti eigentlich en mega fetti party sölle stattfinde im bonzeviertel vo Vancouver (West-Van). Aber ja irgendwie hed sich denn usegstellt, dass das en Graduationparty vonere kanadierin isch und drum nome lüüt i ihrem jahrgang ga chönd wo mit ihre id schuel gönd. ja es wär au zu schön gsi wemmer dete no gsi wäred. d'eltere händ dere 2000$ id hand druckt und gseid sie sölli jetzt e party schmeisse. ich meine ja, nümme nüd. oder. eifach so schnell schnell 2 Tonne für en party zbecho :-) findes ja fascht echli beknackt. tzzz

Geschter (Samschtig) bini mit em Stephan und em Mohammed is Kino. "Burn after reading". Gönd de film go luege. er isch de hammer. sooo luschtig, so genial und eifach nome zum kabuttgröööle. er hed ächt niveau und denn doch weder ned. eifach go luege gha und vill nastüechli mitnäh zum d'träne usem gsicht butze. :-) nachem kino simmer denn no wiiter uf d'pischte.dete hämmer de Jorge (chorche) us Mexico troffe und händ ihn au no mitgno. zerscht simmer is tonic ine gange. ja guet vill isch ja ned los gsi. simmer nachere stund halt weder use und no es bierli go näh im Speakeasy. voll easy sound isch gloffe und denn hämmers dete chli gängt. aaschlüüsend simmer no schnell is Cactus Club Cafe ade Robsonstreet gange und händ dete d'Annina und ihri Kollegin vode Schuel d'Stephanie troffe. dete hani denn en "Sugar Daddy" trunke. de isch genau so guet wie ner tönt ;) ja und nachdem d'ladies denn gange sind, simmer halt weder umkehrt und is Tonic nomal gange. d'Tüürsteher händ eus tatsächlich wedererkännt und eus prompt ineglah ohni aazstah.

ja uf jedefall hed denn de Jorge sis eigentliche date ändlich gfunde. dummerwiiis isch sie mit eme andere rächt bündig beschäftigt gsi. aber hey, weli frau cha ame mexikanische scharmör wederstah?? de junge isch unglaublich. er isch denn eifach uf d'tanzflächi übere und hed mit ihre afe plaudere. de ander typ isch sich vorcho wie ime falsche film. hed sozsäge en riiise vorarbet gleischtet. keini 2 minute spöter isch de Jorge mit sim "date" dusse und de ander typ isch sozsäge im räge gstande :-). tja MEXICAN STYLE halt. ich und de steph sind denn nomal is speakeasy übere well de sound doch immer no huere kuhl gsi isch. am morge am 3 umenand simmer denn es taxi go sueche und öppe einisch hei. that's it.... :-)

ja und jetzt hüt isch sunntig, ich hocke im näscht inne, weiss ned was mit de ziiit aafah und warte einisch meh druf, dass ich chan is KEG go ässe. oh das werd de hammer. 

Morn fangt mini letschti wuche da in Vancouver aa. und denn heissts am sunntig weder heiflüüüge. ja es freut mich einersiiits weder heizchöne, anderersiits chönt ich gäbig nochli doobliiibe. dezue müssteds aber no chli anderi umständ siii und gwüssni sache und persone müssted da sii, aber suscht chönti mich as läbe da äne würkli gwöne. chillig, gmüetlich, d'lüüt sind fründlich und hesch eifach fun. esch en hammer ziit gsi bis jetzt und freu mich jetzt no die letschti wuche da i vollne züüg gnüsse zchöne. 

cheers und bes bald

no 3 Wuche

Es gahd nümme lang und denn bini scho weder ide Schwiiz. Genau jetzt am Mittag vom 29. Septämber 2008 werd ich weder Schwiiizerluft gnüsse usem Grossstadtdschungel vo Züri :-). 

Aber ja es isch ja noni so wiiit und drum redemer zerscht mal vode Vergangeheit und was ich so erläbt han. Die letscht Wuche isch eigentlich rächt locker gsi, aso irgendwie au doch ned. Am mäntig hämmer einisch meh en Fiiirtig gha darum kei schuel. Was ich am Mäntig gmacht han, wüssed er ja scho und wenn ned, denn gönder mal im letschte Blogiiitrag go schnüffle, dete stahd alles fiiinsüüberlich beschribe. D'Wuche isch rächt schnell verbiii gange und es sind au weder einigi Lüüt heigange oder neu dahäre cho. Zum biiispiel isch d'Annina und d'Valérie da. Han die beide natürlich gad met in usgang gno und mer händ en riiise fette obig gha. eifach genial gsi. Am Samschtig isch denn d'Janine no hei, das heisst mer händ am Donschtig voll Party gmacht. de Stephan, d'Annina, d'Valérie, d'Michèlle, d'Janine und ich. ja ehr läsed alli rechtig 2 Jungs und 4 Ladies. Das hets no nie gäh da äne. hei mer händ au eine duregäh da äne. super gsi. Tanzbeischwinge und drinke was inegange isch. Das hämmer einisch meh im Republic gmacht. isch zwar en saumässig tüüüre huere laaade aber es isch eifach so geil dete. am morge am 6i hani denn ändlich de wäg is bett gfunde mit eme total läääre portemonnie. tja sh** happens. :-) 

Nach sonere partynacht hed mer natürlich ned eso vill energie für am nöchschte morge uf die 9ni id schuel zgha. und will ich ja mittlerwiile sones bequems bett han und dezue au no guet schlaafe drinne, bini halt ned id schuel. ja egal. bin afig 2 mal (inklusive em letschte donschtig) ned ide schuel gsi. vo demhär liid das no ide toleranz inne wür ich meine.

am Samschtig bini denn mit em Stephan is Kino go Babylon A.D. luege. also ja irgendwie hämmer beidi also kei plan was eus de film söll säge oder ebe ned säge. kei ahnig. bis zum schluss hämmer dänkt druuszcho, aber ca. 3 minute vorem ändi macht de ganz film irgendwie kei sinn meh. *WEIRD* chani da nume aahänke. aaschlüüsend hämmer no mit em Mohammed (mim Roomie) abgmacht zum ade EnglishBay go Shisha-Dampfe. ja das isch ja en story gsi. zerscht sind ich und de Stephan det abeglofe und händ de Mohammed gsuecht. denn isch er ned dete gsi (aaalüüte heder ned chöne, will er kei gäld ufem handy hed und s'passwort zum uflade nümme weiss). ok, de steph und ich händ denn eifach dänkt, laufemer halt weder downtown und gönd no eis go näh. ich meine Vancouver isch ja ned mega super riiisig aber meh als 10 strasse heds also scho :-). aber nei, ufem wäg uf downtown lauft eus de Mohammed entgäge und denn simmer weder umkehrt und händ eusi Shisha doch no chönne gnüsse. D'Wält isch bekanntlich chli und irgendöpper hed eifach welle, dass mer de Mohammed halt no träffe. (dezue chund no dass mer ihn fascht ned gsehd im dunkle ;D)

Am Sunntig morge hani mech weder chöne dezue überringe zum go seckle zgah. hed ächt guet tah muess ich säge. Am abig bini weder einisch is KEG - Steakhouse - go ässe. OMG (Oh my God, für alli wo OMG ned verstönd), es isch göttlich gsi. han es filet classic gno. läck wiene Schwiiizerschoggi ischs uf minere zunge verloffe. heieiei. dete bini ned s'letscht mal gsi. han extra de ganz tag nüd gässe zum s'filet no meh chöne gnüsse. es hed sich also glooned. 

so jo das wärs denn für de augeblick. mälde mi spöter nomal miteme foti vom "NY Classic Steak" und em "Filet Classic". s'Wasser werd euch im Muuul zämelauffe säg ich euch. :-)

euche Stony-Malony us Downtown Vancouver

best Weekend in Vancouver

So ich han ja weder mal einiges erläbt a dem Weekend. 

Wie immer zerscht d'Bilder für die wo ned gärn wänd läse und lieber luege. Bilder säged ja bekanntlich meh als 1000 Wort.

Bilder:

• Seattle
• Grouse Grind
• Kayaking in Deep Cove

Samschtig --> Bilder vo SEATTLE

das Wochendi isch eifach weder mal de hammer gsi. so vill hani no sälte erläbt. zerscht ischs am samschtig mal losgange uf en Töfftrip nach Seattle. Mer sind Samschtig am morge am halbi 10 abgfahre und denn nachere guete Stund ade kanadisch-amerikanische Gränze aacho. Dete hämmer denn eine uf Mexican-Style gmacht --> links ade lange Schlange vo Autos verbiii und voreinnedrücke. :-) denn hämmer de aber trotzdem no en Stund ade Gränze verbracht. Ich han mit mim kanadische Pass natürli kei Problem gha. Aber min Kamerad us Dütschland (Fabian) mit sim EU-Pass. Er hed denn es Foti dörfe go mache, sini Fingerabdrück gäh, und sone Fötzel usfülle und denn hämmer chöne wiiterfahre. Denn simmer de nach total 3 Stund in Seattle aacho. mer händ natürli bombe Wätter verwütscht und händ das usgnützt zum uf de Seattle Tower zgah. Dobe hämmer denn en mega Ussicht gha über Seattle. Genial. eifach genial.

Leider hämmer echli wenig Ziit gha dete soscht wäremer denn dur d'nacht heigfahre was cheibe chalt worde wär. ufem Retourwäg simmer denn is absolute Outlet-Shopping-Mekka gange womer sich überhaupt chan vorstelle. Wenn öpper mal im Glattzentrum gsi isch, de stellt sich das mal vor und vervillfachts mit em Faktor 3 und denn hed mer öppe en aahnig wie gross das isch. Denn sind d'Priiise no so öppis vo unverschämt tüüüf, dass mer gar ned anderscht chan als ned go shoppe. mal en chlini Uswahl was es dete so alles gid a Marke: Nike, Adidas, Puma, Ralph Lauren, Tommy Hilfiger, Guess, Sony, Burberry, DC, Dikies, Kenneth Cole, Converse,.... und und und. 

Uf em Heiwäg hämmer de geilschti Sunneundergang erläbt womer als Töfffahrer eifach nome cha erläbe. En Strass wo eifach schnuergradus gahd, links und rächts heds nume en Wiese und dehinder Bäum wo zu dere ziit total schwarz usgseh händ wägem Schatte vode Sunne und denn de schwarz-blau-gälb-rot-wiiss Himmel mitenere füürrote Sunne uf de linke Siiite. Eifach nome WOW. Leider hani vo dem keis Foti chönne schüsse willi ja ufem Freeway gsi bin. Am 10 am Obig simmer denn weder in Vancouver aacho.

Sunntig --> Bilder vom Grouse Grind

Am Sunntig bini mit em Mohammed weder einisch uf Deep Cove hindere gange zum en Donut ässe und euse Kolleg us Mexiko (de Alex) närve :-) Mer händ denn welle go Kayak fahre, hed aber natürlich bi dem Bombewätter eifach kei Platz meh gha. mer 

händ denn aber für de Mäntig eis chöne reserviere. Da mer ned gwüsst händ was met de Ziit afange simmer eifach chli umegwatschled und händ chli Brainstormed was mer chönted mache. denn simmer uf d'Idee cho, dass mer eigentlich Ziit hätted uf de Grouse Mountain zgah. Wer ned weiss was de Grouse Mountain isch, de sött mal uf Vancouver gah und de Grouse Grind mache. 1000 Höhemeter uf ca. 2-3 Kilometer "Wanderwäg" verteilt. Wenn ich Wanderwäg i Aaafüerigs- und Schlusszeiche setze hed das sin gueti Grund. Es isch nämmli ned en Wanderwäg, es isch meh chlättere. mer sind denn nach 60 Minute obe aacho. Total uf de Frässi, aber erliechtered womer die Ussicht gseh händ. Dobe simmer denn eifach nochli umegwatschled und händ chli umegluegt was es so gid. Lumberjack-Show, Skilift fahre, Holzskulpture und eifach Föteli schüsse. 

Mäntig --> Bilder vom Kayak paddle

Am Mäntig (mer händ en Bankholiday gha, darum kei Schuel und Ziit für "besseri Sache":D) simmer denn am Mohammed sin Geburi go fiiire meteme schöne Kayak-Trip in Deep Cove. Es isch ja sooo geil gsi. Zerscht hämmer rächt Müeh gha das Kayak z'stüüre aber nach es paar Minute hämmer denn de Trick dusse gha wies gahd. Mer sind denn chli ade Küschte entlang paddled und händ die sehr kuhle und tüüüre Hüüser betrachted, Tier hämmer au no paar gseh (ich glaube es sind Robbe gsi, bi kei Tierkänner). Gnüssed eifach ines paar Stund d'Bilder wo ich ufelade. für alli wo Facebook händ, dete sind d'Fotis scho druffe. uf minere Siite chömeds hüt obig denn. 

Das wärs gsi. bis bald weder einisch. Cheers

 

Status nach 7 Wuche

so da bini weder einisch. also han ja scho einiges da erläbt wie ier alli sicher mitbecho händ. bin letschti ufeme Bootcruise gsi im "Harbour" vo Vancouver. isch hammer geil gsi. Party, Sightseeing und Fun alles kombiniert. händ paar ganz kuuhli hüüsli gseh und so wiiter. 

da sind d'fotis vom Bootcruise

denn bini am friitig no am BC Lions Game gsi. Das isch Canadien Football (ned American Football). Es sind praktisch die gliche regle, aber doch echli anderscht :-). au da hani natürlich einigi fotis gschosse. lueged sälber was mer dete so erläbt händ. Sie händ zwar verloore, aber es isch glich geil gsi, das mal zgseh. 

da sind d'fotis vom BC Lions game

geschter simmer eifach chli in Deep Cove unde gsi am Frisbee spille. voll easy. und am obig hämmers denn nochli chillt. hüt hängis eigentlich deheime, wills ja nume rägned. aber egal.

und da sind eifach no es paar fotis vo de letschte wuchene

so das wärs denn aber au scho weder vo mier. wünsche euch en gueti ziiit und ja mer gsehd sich denn hoffentlich bald emal weder einisch ide schwiiiz.

Alles gueti us Vancouver Downtown.

updates

ja was isch denn so los gsi da äne in Vänkuver?? hmm also zerscht bini letscht wuche mal es tattoo go mache. han mer min name uf saudi arabisch inechritzle lah, demit ich au im vollrusch ine min name ned vergisse. ja okay ich chan ned arabisch läse aber es wär doch vell zoffesichtlich und z'langwilig gsi min name i normale buechstabe iiiztättooviere. also das hämmer abghögled. ja samschtig bis und mit geschter hämmer reiewiiis abschiedsparties gha. unglaublich. jede isch irgendwie gange jetzt simmer no 3 lüüt ide homestay vo ursprünglich 7. aber es sölled anschienend 2 kanadier cho wo eifach es zimmer bruuched. ja die chönd denn mis ha, will ich zügle hüt ines grössers zimmer mit vorallem eme grössere bett. das isch also super. hani mal chli meh platz für mich und es isch eifacher. suscht gits eigentlich ned so vill zbrichte. bin gad ime huere klinsch was ich so ade weekends söll mache. de araber fragt mi die ganz ziiit wäge victoria. ich han aber ned umbedingt es riiisigs bedürfnis det übere zgah. will ich wett ja no go töff fahre da, go skydive, ufes partyboot, und no anderi sache. und ja irgendeinisch isch kei platz meh für irgendwas. mal kucken was es so häre gid.

am friitig gang ich mit em Alex (en roomie) as BC Lions Game (CFL - Canadien Football League). das werd sicher geil. mal kucken was die so mached und wie das so isch zum kucken.

suscht gits eigentlich nüme so vill zum brichte. cheers. lade demnächscht denn no fotis ufe.

gruess us Downtown Vancouver

so da isch de Teddybear :)

So bitte Leute, da ischer, de Teddybear :)

fotigrafiert mit em iPhone, darum d'quality ned sensationell. aber es isch en reale Teddybear

Achtung: Bääär!!!

ja er wärdeds ned glaube, aber hüt isch bi eus en Bär um d'hüüser umegschliche. mer händ ihn sogar gse und au no föteli gmacht. er hed öppe en schulterhöchi (gschätzt) vo 1.10 gha. also ja no en aaständigi grössi so für de erschti kontakt met eme wilde Bäär. er isch mega härzi gsi, aber leider mega schüüch. vo streichle heder garnüd welle wüsse. guet, ja es isch ja au kei teddybär, aber hed glich mega süess usgseh wi de defozottled isch. vorher heder no es cheibe chaos veraastaltet. öppe 30 lüüt sind uf de bei gsi und bime nachbar vo es hed de bär de güsel umgstosse und hed nach ässe gsuecht. denn isch de bär dem dure garte spatziert und dise hets nedemal mitbecho. unglaublich. mer händ de gad welle euses schlichwägli näh für an strand abe. aber ebe. dete isch denn halt de bär eus zuvor cho. hämmer halt useumemüesse.

bilder folged denn no.

Byebye Chaparrito

Da sind d'Bilder vom Alan aka. Chaparrito (kleiner Mann) siner Byebye-Party:

-> BYEBYE CHAPARRITO

---------------------------------

so ja ich han weder einiges erläbt. die wuche isch mal ned so grausam vill los gsi. am mäntig und zieschtig bini mit mine kollege vode homestay is Cambie gange und han mal richtig usgiebig aagstosse uf die letschte Täg vom Alan Garcia aka. Chaparrito = Kleiner Mann (er isch nome öppe 1.50 gross. en richtige Mariachi halt :D). ja denn simmer dete jewiels bis am morge am 4i am umesumpfe gsi under de wuche. und denn met halt echli wenig schlaf und liecht übernächtigt id schuel. aber egal. han glich chöne ufpasse.

ide schuel hed sich einiges verändered. die wuche sind einigi Graduations (Diplomübergabe) gsi a eusere schuel. das heisst es gönd öppe 20 persone vo 100. aber ja egal. chömed ja immer weder neui. eusi klass hed sich au verändered. die beide Koreaner wo mer ide klass händ bzw. gha händ (jetzt), händ d'klass verlah, wills rächt müeh händ am lehrer zfolge und ihn au ned verstönd. isch echli schad aber es hed au sini vorteil. jetzt chömer 3 mal schneller vorwärts mache, de lehrer cha besser uf eus iiigah und velecht liid am schluss sogar nochli ferie drinne oder so. wer weiss. uf jede fall machemer jetzt echli meh ADVANCED Business. das isch also ideal för mich. wird ich echli meh gfordered.

vill meh neus gits leider ned. bi eus schiffeds momentan echli vill -> Rainkouver trifft also voll iii :-) hehe. ja aber morn und am Mäntig sötts über 30 Grad warm wärde.

so erschte Monet bald verbiiii

zerscht wie immer zu de Bilder

1. Impressione
2. Deep Cove
3. Celebration of Lights 2008
   

So was hani denn so erläbt. aja bin ja ebe vom Roadtrip retour cho und denn ischs weder id schuel gange am mäntig. han rächt vorwärts gmacht aber vill isch ned würkli loos gsi bi mir die wuche. denn bini am Mittwoch as Celebration of Lights 2008 (Füürwärk) und Kanada hed alles gäh.

Suscht hani die Wuche ned eso vill gmacht. achja mer sind vorgeschter weder einisch im Cambie gsi und ha es hed ja wenig lüüt voreusse gha wo gwarted händ (die wo min humor ned känned, es wär ironisch gmeint). also mer händ natürli gar kei bock gha uf aastah. zerscht hämmers mit Bestächig vom Türsteher versuecht hed aber nüd gnützt. denn hämmers über d'hindertür versuecht und dete isch de Alarm ab. simmer also ganz schnell abgseckled und währenddesse sich 3 Securitys um de Alarm kümmered händ, hämmer en andere iiigang gno und send de riiiiiise schlange voreusse doch no entcho. fein hämmer das gmacht. ganz fein. :-)

ja dete hämmer denn wie immer einigi neui lüüt känne glernt. isch ächt geil gsi. dete lernsch eifach immer öpper neus känne. anyway. mer sind denn met em letschte bus hei und händ de am morge am 2 vor em hus usse no Schischa (oder wie mers da säge würd Hooka) dampfed. ächt friedlich gsi. ja denn sind denn die mexikanische Kolleginne vode Cindy no cho. läck das hätted ehr also müesse gseh. die sind esooo volle gsi. die sind ebe alli so 16i oder so. erschti richtigi erfahrige met alkohol. öppe denach hets usgseh. nei die sind im züüg umegstürchled. eifach zum kabutt lache gsi.

ja und das wärs denn scho weder für die wuche.

bis bald

Yihaaa, Roadtrip nach Calgary und retour

--------------------------------
Bilder
Teil 1 - Vancouver bis Kamloops
Teil 2 - Kamloops bis Banff via Lake Louise
Teil 3 - Banff bis Calgary via Rockies
Teil 4 - Calgary bis Vancouver i 10 Stund

--------------------------------
So nach rund 5 Täg Abentür chömed jetzt weder News :-)

Die gross Gallerie folgt morn oder so....

Ich bin uf en Road Trip gange mit zwei Kollege (Alan und Alex -> beides Mexikaner). Ja es isch ned esoooo schlächt gsi. mer händ rächt vell Spass gha.


Losgange ischs am Ziischtig am 15. Juli 2008 am Nomitag am 2. Dete simmer go s'Auto schnappe und denn ischs ab Richtig Calgary (Alberta) gange. Mer sind via Kamloops, Revelstoke, Lake Louise, Rocky Mountains, Banff uf Calgary düüsed. Mitdebii hämmer stehts eusi Chüelbox gha wo immer gfüllt gsi isch mit Iiis, zTrinke und öppis zum Knabbere.

Nach guet 2 Stund Fahrt hämmer dänkt mer chönted in "HOPE" es Päuseli iiilegge. das hämmer au gmacht, nume hämmer zu dem Ziitpunkt noni gwüsst, dass mer d'Iifahrt uf de Freeway nümme gfended. okay, mer sind denn halt es längers Bögeli gfahre um de ganzi Chueche ume. drum simmer denn au erscht am obig am 8 in Kamloops anstatt am 6i aaacho. naja, mier sind denn uf jede Fall gad in Usgang dete und s'Kaff go unsicher mache. Also ja schön isch es dete ja ned, aber luschtig hämmers einewäg gha.

Am nögschte Morge hämmer prompt verpennt und s'erscht Mal (es söll ned s'letschte Mal wärde) uscheckt. naja, die Dame hed eus nomal vergäh und mer sind abdüüüsed Richtig Rocky Mountains. In Revelstoke hämmer euse nächschti Halt iigleid und nomal volltanked bevors denn erscht richtig hüglig worde isch.

In Lake Louise hämmer es wiiters Stöppli iigleid und händ eus uf d'Suechi nach de Bääre gmacht. gfunde hämmer leider keini, also mol scho, aber kei lebändigi. tja was sölls. nacheme churze Spaziergang am Lake Louise simmer denn wiiter gfahre uf Banff. Banff isch sones Boarderparadies zmitzt im Chueche vode Rockies. ächt schöns Plätzli dete. Ja leider hämmer euse Trip nome nach de Landcharte planed und ned au no grad nach de Hotels. Es hed sich denn usegstellt, dass mer prompt ide Hochsaison uf Banff cho sind und natürlich alles usbueched gsi isch. wow. super oder. Mer händ de doch no es "sautüüürs" hotelzimmerli gfunde (nach 2 Stund sueche!!! und 4 KM umewatschle) und sind denn au scho weder in usgang.

Am nöchschte Morge hämmer wie gehabt weder verpennt und sind denn nochli benäbled losgfahre uf Calgary. In Calgary hed sich s'Hotelzimmersueche einisch meh als en wahri Kunscht bewahrheitet. es gid in Calgary gad emal 2 Hostels und die sind, wie ier sicher ned anderscht erwarted, beidi usbueched gsi. logisch, was suscht. ja mer händ denn es "Country Motor Inn" am "A****" vo Calgary gfunde. Irgendwie 3 KM vo Downtown eweg. Am abig hämmers eifach chli im Hotel chillt, well mier doch scho rächt kabutt gsi sind, nach de lange Reise.

Am nöchschte Morge isch es denn los gange id Stadt zom go shoppe und uskuntschafte. Während mer chli dur d'city bummled sind hämmer en stopp iiigleid im Calgary Flames-Reschtorant ade 8th Avenue. Wow ächt iidrucksvoll isch das dete gsi. Nachem zmittag simmer denn uf de Calgary Tower (weiss nüme wie höch de isch, söll uf jedefall de höchschti Ussichtsturm sii vo de Wält a azahl Meter über Meer, inklusive em Bode wo er druffe stahd). Dete hämmer denn mal Calgary us enere andere Sicht chöne betrachte.


Nach es paar Souvenirs simmer denn weder is Hotel retour und denn ab in Usgang. Säge nome eis: Wenn ier mal uf Calgary gönd, denn müender eifach is Roadhouse gah (8th Avenue irgendwo). wow eifach de Wahnsinn).

Am Samschtig Morge simmer wie ned anderscht erwarted weder zspaat ufgschtande und denn losdüüüsed hei uf Vancouver.

Jo das wärs.

bis uf es wiiters Kapitel vo mier in Canada.

Trip 2 Whistler

So da bini weder einisch. geschter bini in Whistler gsi. Da sind schomal d'Bilder voreweg. es isch ja sooooo de börner gsi. mer sind z'dritte gsi go Downhillbike. Wow das isch ja öppis vom geilschte wo ich jeh gmacht han. wow hed mega gfägt. heizisch eifach met dem bike s'loch durab über en speziell präparierti pischte für Downhillbiker. Wow eifach de blanki wahnsinn. ufem erschte bild gsänder zwei biker jumpe (1. das bin ned ich und au keine vo mine kollege, aber öppe so simmer dur d'gägend duregfloge!!!).

nei chas würkli nome wiiter empfähle. es isch adrenalin, action, fun, gschicklichkeit, speed i eim vereint. wow eifach de waaaaaaaaahnsinn. so geil.

ja nachher gsänder am schluss no einigi bilder vo Whistler und em "Lost-Lake". de "Lost-Lake" isch es Seeli bestehend us Gletscher-Wasser. Wow de isch genial. super erfrüschend nach 3 ned ungfährliche Downhill-Rides (wie ier uf eim vo dene fotis gsänd, kei angscht bin ned ich, aber min kolleg da us mexiko -> er hed d'bräms anschiiinend ned gfunde). Ja und ich wür demfall meine, luegeds aaa und gnüssed eifach. es isch genial. und s'beschte a dem see isch, dass er total suber isch und keis bitzeli dräck dinne hed. also ja de zugersee chönti ja das au mal verträääge es bitzeli gletscher wasser :-) velecht isch das de Schlüssel zur Suuuberkeit. wer weiss.

ja hüt hämmer scho am 12i schuel usgha. en stromusfall ide halbe statt. irgendsone stromliferant oder was au immer hed en crash gha und gar nüd isch meh gange. wow händ die stau gah. ich hätt ja ned welle i dene autos inne sitze. müehsam säg ich euch.

so das wärs für de augeblick. ier ghöred am Sunntig oder Mäntig i knapp enere Wuche weder vo mer. gange morn uf en Roadtrip Richtig Kamloops, Kelowna, Calgary und dur d'Rocky Mountains. Die Bilder chömed ier denn natürlich au zgseh über :-). So ich wünsche guet nacht und adios amigos muchachos :-)

erschti wuche

also ich schriibe jetzt mal uf mundart. ned dass er euch no fraged was eigentlich met mer los isch nome will ich das jetzt wächsle. :-)

ja also ich bin jetzt denn bald 1 wuche da in Vancouver und es macht würkli mega spass. han scho einiges metbecho und ja es gaht scho besser mit em änglisch als no es paar täg vorher. :-) erschte erfolg zeichnet sich also ab.

das wuchenänd (sunntig) gömmer mal Whistler go unsicher mache. das isch min erschti trip und am ziiischtig folgt sogli de zweit. denn gangi met de mexikaner vom gliche ort uf en roadtrip of calgary und richtig rocky mountains für 1 wuche. hammer. han no müesse mit de schuelleiteri plaudere wäge dem, will das dörft mer eigentlich ned. mer wärs glich gsi, wenn sie nei gseid hätti, wär trotzdem gange, aber ja denn chund sie so härzig entgäge und seid, will ich ja sone guete studänt sigi (hami ja gad echli gfragt wie sie denn das überhaupt wett wüsse, bin ja erscht 1 wuche dete und mit ihre hani no keis wort gwächslet :-) ), dörf ich uf de trip gah und sie macht en usnahm. hani also nomal schwein gha.

d'schuel isch no rächt kuhl. macht ächt spass, dütsch rede isch verbote, was s'änglischlerne wesentlich vereifacht :-). also ja innerhalb vom schuelareal zumindescht. bis jetzt hämmer vill bla bla gha und einigi analyse müesse mache womer da so paar grafike händ müesse interpretiere. ja bin ned immer drus cho, aber ja es passt scho :-)

aber ja das isch ja alles guet und rächt aber überhaupt ned interessant für euch. darum jetzt weder zum wesentliche, zu dem wo spass macht. also ja han mich scho rächt guet iiigläbt. han geschter en rächte chlapf zäme gha. sind im "Cambie" gsi (einisch meh). ächt kuhl gsi. s'bier isch rächt günschtig dete. en pitcher (isch ned so gross wie ide schwiiz aber doch no easy gross) choschted öppe 10 franke. also voll easy. händ geschter sicher öppe 15 - 20 vo dene drunke (6 Jungs und 3 Ladies). also ja hed pässled. es isch rächt abgange. mer händs cheibe glatt gha und d'mexikaner sind eifach zu luschtig. glatti cheibe säg ich euch. ja macht spass und redsch würkli die ganz ziit änglisch. hed scho rächt vill schwiiizer da, aber um die mach ich wenn möglich en boge und plaudere denn halt mit irgendwelche fremde fötzle geschters sinds 4 kanadier gsi. läck sind die näbe de schueh gsi. aber gottvertooori nomal cheibe luschtigi lüüt.

was ich mega schätze isch, dass die lüüt alli so fründlich sind. da seid mer für alles und wenns no so wenig isch danke. jede wo de bus verlahd grüesst de buschauffeur und jede wone weder verlahd seid ihm danke fürs fahre. hammer. eifach hammer. ja so das wärs für de momänt.

Bilder hani no es paari uf de digitalkamera. lade die denn zume spöötere ziitpunkt ufe. ich lahs euch wüsse.

so wünsche euch no en schöne obig oder eher morge.

bis die tage :-)

Joél

I have left the building :-)

Hier gehts zu den Bildern...

So rund 36 Stunden nach Abreise aus der Schweiz die ersten News. Naja es ist ja nicht so, dass ich gerade ein Magerlimückerli wäre, aber das was sich gestern im Flugzeug von Frankfurt (ich musste von Zürich über Frankfurt nach Vancouver fliegen, da es keinen Direktflug gab) nach Vancouver zugetragen hat, wollt ihr eigentlich gar nicht wissen. Egal, ich sags euch trotzdem. Versucht euch mal annähernd vorzustellen wie ich am Fenster eines Flugzeuges sitze, in dem es 10 Sitzreihen nebeneinander gibt und ausgerechnet neben dich setzt sich wohl das Unmöglichste was man sich nur vorstellen kann.

Es war ein Spanier. Masse: ca. 180 KG schwer (geschätzt), Bauchumfang knapp 1.5 Meter (geschätzt), stinkend, schwitzend und einfach voluminös. Und nun stellt ihr euch die Sitze in der Economy Class vor, wo du rund 70 x 100 Zentimeter als dein eigenes Reich bezeichnen könntest - normalerweise. Na ja es waren dann vielleicht 50 x 100 oder noch etwas weniger und das über cirka 10 Stunden. Naja. Erstes Abenteuer überstanden. :-) ich lebe ja noch.

Endlich in Vancouver angekommen, hat uns dann ein total überforderter Kanadier versucht in Gruppen aufzuteilen, um den Airportpickup etwas zu vereinfachen. Er hat dann bloss 3 Mal sämtliche Dokumente in die Hand genommen und diese jeweils etwa 15 Mal sortiert. Als er dann uns endlich in die richtige Reihenfolge gebracht hat, wurden wir von einem liebenserten aber doch verwirrten Inder empfangen, der wohl Vancouver noch nie ohne sein Navi gesehen hat. Vancouver ist ja für nordamerikanische Verhätlnisse, noch eine kleinere Stadt, aber ja für ihn war das eindeutig zu gross und zu viel.

Er hat dann während der rund 2 stündigen Fahrt etwa 30 mal aus irgendwelchen Gründen angehalten, die ich mir bis heute noch nicht erklären kann, aber na gut. Zudem haben sich die anderen Studenten dann echt gefragt, was so abgeht, da ja dieser kleine Inder alles andere als anständig gefahren ist. Vielleicht liegts einfach am kanadischen Fahrstil, den sich dieser Herr zu eigen gemacht hat. Ich sag euch, das war ein Abenteuer. Zwischendurch musste sich meine mexikanische Sitznachbarin im Minivan mächtig festhalten, um nicht gleich in der darauf folgenden Sekunde am Fenster zu kleben.

Um 18.00 Uhr bin ich dann endlich am North Dollarton Highway 341 in Nord Vancouver angekommen. Es waren nun ca 24 Stunden ohne ein längeres Nickerchen und ich war ja so etwas von auf dem Hund. Naja, irgendwie konnten mich die anderen Studenten dann doch noch überreden (2 Mexikaner, die zwischen 1-3 Jahren da sind, aber noch nicht wirklich gut Englisch sprechen. Warum das so ist, ist mir auch kein Rätsel, da es so viele Mexikaner gibt, dass man denkt dies sei die dritte Landessprache, neben Englisch und Japanisch. :) ) mich auf ein Bier zu begeistern. Ich bin dann während des Biertrinkens fast eingepennt. Egal, das "kühle Blonde" hat ja so etwas von gut getan. Um halb 1 bin ich dann endlich ins Bett gekommen und sogleich auch eingepennt.

A toute à l'heure

hier nochmals die Bilder der ersten Eindrücke

Goodbye Switzerland Party

Sali zäme

So wie die meischte vo euch alli wüssed, werde ich und mini Lady im Summer – gnauer gseid am 6. Juli 2008 – für en längeri ziit verschwinde us de Schwiiiz. D’Daniela gahd für rund 8 Wuche uf Malta ihres Änglisch echli go ufpolliere und ich für guet 12 Wuche uf Vancouver mini Kenntnis ebefalls im Änglisch go vertüüffe.

Mer lönds eus natürlich ned näh vo euch für die zwar churzi ziit schnell adieu z’säge. Ier sind alli härzli iiiglade zu eusere „Goodbye-Switzerland-Party“ in Mühlau ade Rüüss unde.

Für die wo ned wüssed wo das isch, da hets en link. Liecht oberhalb vom „B“ hets gnueg Parkplätz vorhande, wenn ier met em Auto cho wänd.


View Larger Map

Schnell s’Programm (im aahang gfindet er no echli en upollierti Version vo dem Textli da aber für die wo schlächti Auge händ ischs velecht kei seich, wennis schnell usdütsche J):

- Treffpunkt: Ab 18.00 Uhr a de Rüüüss unde.

o Wir stellen ischer ein 20 Literfass Bier hin (je nach Anzahl Personen)

o Zudem gibt’s für die Damen oder auch für die Herren die kein Bier trinken eine „Boooole“

o Des weiteren sollten genügend Pommes Chips und Snacks rumliegen.


- Mitnehmen:

o Zelt oder Schlafsack für die etwas Mutigeren, wenn ihr dort Pennen wollt

o Sachen zum Grillieren à Fleisch oder Gemüse, je nach dem was ihr auf den Grill oder ins Feuer werfen wollt.

o Fun und Partylaune

o Badehose à für die etwas Mutigeren, die noch Nachtbaden wollen.

o Allfällige Spezialwünsche bezüglich Trinken sind selbst mitzubringen.


- Wichtig:

o Gebt mir bis am 27. Juni 2008 20.00 Uhr Bescheid, ob ihr kommt oder nicht. So kann ich die Getränke mitnehmen die notwendig sind.

o Wie ihr ja seht stehen einige auf der Liste drauf. Jene meiner Freundin ist nicht unbedingt kürzer. Wir stellen dort eine Box auf, wo ihr euch an den Kosten beteiligen könnt, wenn ihr wollt. Jeder darf etwas hineinlegen wenn er will. Es ist aber nicht Pflicht.

Meine Koordinaten sollten alle haben. Wir freuen uns auf ein Zahlreiches Erscheinen und guet füüüür :-) bim Brööötle..

Wenn Ihr euch etwas alleine fühlt, könnt ihr gerne noch Freunde mitbringen die ich auch kenne und aber vergessen habe. Je mehr Leute da sind, desto geiler wird die Party. Meldet diese Personen aber auch bei mir an.

Bei Fragen stehe ich euch natürlich auch gerne zur Verfügung.

Gruss und vielen Dank fürs Erscheinen.

Euer „Schorsch Gaggo le Mocco“

die Ruhe vor dem Sturm

Diese Woche hat mich meine "Hostmum" kontaktiert und noch einige Details bekanntgegeben. Ich werde dort voraussichtlich mit 2 Mexikanern wohnen. Der eine ist 21, der andere 26. Beide sind schon länger dort. Es werden wohl noch einige andere Studenten bei Ihr zu finden sein :-). Scheint mir ja ein richtiges Massenlager zu werden :-). Na egal. Sie hat mir auf jeden Fall versichert, dass es viele Sportmöglichkeiten gibt bei Ihr rund ums Haus und von dem her bin ich schon gut aufgehoben.

So nun habe ich nichts mehr anzufügen und wünsche euch, sollte ich euch bis zum 6. Juli nicht mehr sehen, alles Gute und dann bis im September wieder.

PS: Ach ja mein Schatz, Daniela und ich werden voraussichtlich das Wochenend vor dem Abflug eine Grillparty an der Reuss machen. Genauere Infos folgen dann noch. Wäre kuhl, wenn du dir also bereits den 28. und 29. Juni 2008 reservieren könntest. Wir denken wir machen eine Campingparty an der Reuss und pennen dann gleich da, sollten wir überhaupt zum schlafen kommen.

Cheers

euer Joél

nicht mehr lange

so ich melde mich mal wieder (noch aus der Schweiz). Vorgestern waren es noch genau 2 Monate bis zur Ankunft in Vancouver. Ja es sind tatsächlich nicht mehr viele Tage bis zu meinem Englischaufenthalt. Langsam aber sicher beginnt die Zeit des Rückwärtszählens. Heute sind es noch knapp 58 Tage und ein paar Stunden.

Wenn ich daran denke als ich mich für Vancouver entschieden habe, war das schon einiges weiter weg. Aber nun beginnt die Vorfreude stetig zu wachsen, aber auch die Ungewissheit, was mich dort in der Ferne erwartet, beschäftigt mich etwas mehr. nein ich habe keine Angst und mache mir auch keine Sorgen, im Gegenteil. Es ist für mich sogar toll wieder einmal nach bald 2 Jahren bei ricardo.ch ins kalte Wasser springen zu können und sich wieder neu zu organisieren an einem fremden Ort. Klar es sind ja nur für 3 Monate, aber dennoch ist es eine neue Erfahrung und ich freue mich riesig darauf.

Letztens habe ich doch tatsächlich noch Post aus Vancouver erhalten. Mein Onkel lebt schon seit einiger Zeit in Vancouver und ich war schon sehr überrascht von ihm zu hören. Aber dennoch hat es mich gefreut und mal sehen ob ich ihn dann dort auch treffen werde.

So nun ist aber Schluss. Ich denke ihr hört dann kurz vor dem Abflug noch von mir, den ich mit euch sicher noch feiern möchte. Eine derartige Info werdet ihr dann noch persönlich von mir erhalten.

Sonniger Gruss

Joél

erster Kontakt mit Vancouver

Gestern Abend hatte ich den ersten Kontakt mit Vancouver, genauer gesagt mit Cat (Caterina) Pantelidis. Sie ist ursprünglich eine Griechin, die in Vancouver mit ihrem Freund zusammen lebt. Der erste Kontakt war kurz und bündig aber dennoch sehr spannend und freundlich.

Sie scheint ein sehr aufgestellter Mensch zu sein und das freut mich natürlich noch mehr, mich dort bald einquartieren zu können. Sie ist 35 Jahre alt und macht wie bereits erwähnt Yoga. Das wird sicher ein toller Aufenthalt werden und ich blicke nun langsam mit immer kleinerwerdenden Schritten Richtung Vancouver.

Vancouver ich komme!!

Yupeeee....

Letzte Infos erhalten

Hallo liebe Leute

Nun habe ich heute endlich meine letzten wichtigen Infos erhalten bezüglich meines kommenden Sprachauftenthaltes in Vancouver, BC Kanada.

Unten folgend seht ihr die beiden momentan wichtigsten Punkte dieses Aufenthaltes. „A“ symbolisiert die Schule und „B“ die Homestay-Lady, welche mich während diesen 3 Monaten begleiten werden.

Es klingt ja schon vielversprechend. Keine Tiere, keine Kinder, praktisch direkt am Strand. Wir sind bloss zu zweit dort. Es wird mich eine Lady beherbergen. Diese steht auf Yoga, Musik, Filme und kochen. Zudem soll ich einen High-Speed Wireless Internet Anschluss haben, einen Fernseher und ein eigenes Bad. Der Weg ist das einzige was mich etwas stört. 35 Minuten mit dem Bus, aber das ist ja eigentlich nicht so tragisch. Ich bin mal gespannt, wie es denn sein wird. Momentan habe ich ja noch einiges zu tun bis dahin.

So nun wünsche ich euch noch einen schönen Tag.

Gruess Joél

PS: Legende unten:
A = Schule
B = Homestay

View Larger Map

das Neuste vom Neusten

Heute werde ich mit vollem Herzblut vor dem Fernseher sitzen und gespannt das Spiel zwischen dem EV Zug und dem HC Davos verfolgen. Das Spiel sollte ja wieder vielversprechend werden. Beide Teams scheinen mit vollem Personal antreten zu können und spannender könnte die Ausgangslage wohl kaum sein. Das alles entscheidende Spiel um in die Halbfinals vorzustossen. Eigentlich müsst man dieses Spiel gleich als Finalwertung nehmen oder jenes zwischen Fribourg Gottéron und dem SC Bern. Ach wie hab ich mich doch amüsiert als der Routinier der Routiniers die Bundesstädter in die Ferien beordert hatte.

na gut. genug vom Eishockey welches ja die Nationalsportart Kanadas ist, wo ich meinen 3 monatigen Auslandaufenthalt druchführen werde. lange dauerts ja nicht mehr. genau heute vor einer Woche waren es noch 4 Monate bis zum Abflug nach Vancouver. Lansam werde ich richtig kribbelig. es ist ja nicht so, dass ich Flugangst hätte oder so, nein im Gegenteil. Aber etwas ungewohnt wirds wohl schon sein, so weit und «so lange» von zu Hause weg. Heimweh werde ich wohl kaum zu geniessen wissen, da ich ein ziemlich vollgestopftes Programm habe.

na dann wünsche ich dem EVZ viel Glück und Treffsicherheit und freue mich dann weitere Spiele verfolgen zu können.

Salute....

Kanada-Pass the 3rd

So nun ist es endlich soweit. Letzte Woche habe ich endlich meinen Kanada-Pass erhalten. Aber ganz ohne Probleme gings dann doch wieder nicht. Die Leute auf der Post sind ja super korrekt, müssen Sie ja auch sein. Aber hört euch mal folgende Story an. Also ich musste sämtliche Dokumente (Schweizer Pass, Schweizer Führerausweis und so weiter und so fort) an die Kanadische Botschaft senden um meine Identität zu beweisen. Nun gut. alles nicht so schlimm. ich erhalte also einen Zettel von der Post, dass ich einen Brief abzuholen hätte und gehe also hin. Zeige meine KOPIE des Ausweises, da ja alles auf der Botschaft ist. Darauf entgegnet die nette Dame am Schalter Sie könne mir den Brief nicht geben, da sie ein Original haben müsse um solche Briefe heraus geben zu können. Nachdem ich ihr dann sämtliche Karten wo mein Name drauf steht auf den Tisch gelegt hatte, gab sie mit sehr schlechtem Gewissen klein bei und gab mir meinen Brief. Anschliessend habe ich dann gleich vor ihren Augen den Brief geöffnet wo lustigerweise sämtliche Dokumente drin waren, die hätten bezeugen können, dass ich wirklich ich bin :-)

Naja da hat die kanadische Botschaft wohl wieder super weit überlegt...

to be continued ...

Kanada-Pass the 2nd

Ein kanadischer Pass anzufordern ist ja gar nicht so einfach wie ich gedacht habe. Wer hat schon einen Arzt gerade auf Lager, der dich 2 Jahre bereits kennt und dir einfach mal schnell bestätigt dass deine angegebenen Infos stimmen?? hmm ich hatte da wirklich einige skurile Erlebnisse. Aber der absolute Gipfel hat man ja, wenn man eine Arbeitsbewilligung für die USA erhalten möchte und nicht amerikanischer Staatsbürger ist. Diese Story habe ich von meinem Arzt, also seht her:

Mein Dotore hat also dazumals diese Unterlagen erhalten - ca 3 Zentimeter dicker Lesestoff an Formularen, dass es dir schon schlecht wird bevor du angefangen hast einen Tropfen Tinte oder Farbe auf eines der zahlreichen Blätter zu kleckern. Nun die Amis sind ja da ganz korrekt und hyper-dau-tauglich (DAU = dümmst anzunehmender User). Beispiel gefällig aus dem Formular-Salat?

Nun da steht drauf, dass wenn du Frage A3 mit dem Kriterium A3.1 angekreuzt hast, dann musst du auf Seite xy gehen dort die Zeile sowieso mit dem Wert X5.9 ausfüllen, wenn du aber Frage A3 mit dem Kriterium A3.2 beantworten musst, dann gehts wieder wo anders hin auf den unzählbaren Formularen. Nun gut, mal alles ausgefüllt, denkst du endlich am Ziel zu sein. Von wegen. Nun kommt aber Amerika-LIVE pur!!! Dieser Antragsteller musste zu diesem Zeitpunkt wo alles ausgefüllt tatsächlich beim Arzt aufkreuzen und eine PINKELPROBE abgeben, welche luftdicht und vakumiert per Express mit sämtlichen Unterlagen an irgend eine amerikanische Behörde zur Kontrolle gesendet werden musste. Dort wurde dann tatsächlich diese gelbe Flüssigkeit auf Drogen und andere illegale Substanzen geprüft und analysiert.

.. nun ich frage mich ja wirklich was die Amis davon schlussendlich haben. Bedenkt man nur, wie gross der amerikanische Drogenmarkt via Import von solchen Substanzen aus Kolumbien, Jamaica oder sonst woher aus der Karibik oder Südamerika ist. na dann macht das natürlich glatt Sinn, dass man arbeitswillige Leute solchen überaus intimen Tests unterzieht. Wobei wir haben ja noch andere Möglichkeiten an Arbeitsplätze in den USA zu gelangen. Da gibt es noch solche Greencards die man im Internet gewinnen kann (siehe GMX.net oder google mal danach). Dort gibt es dann das Rekrutierungsverfahren wie es einfacher nicht sein könnte.

und da verstehe einer mal die Amis... tzzzz

Mein Kanada-Pass

Heute gabs wiedermal ein Paradebeispiel für die absurde Bürokratie in welcher wir doch alle Leben. Wie vielleicht einige von euch wissen, habe ich das Recht auf einen kanadischen Pass. (mein Grossvater ist mal ausgewandert, kam retour --> et voilà jetzt hab ich auch so einen Pass, bzw. sollte auch so einen haben, wenn ich ihn anfordere, was ich nun zu tun gedenke/versuche/noch nicht geschafft habe..).

Egal, das ist aber ne andere Geschichte. Nun habe ich doch vor etwa 5 Tagen einen Brief an das Kanadische Konsulat in Bern geschickt mit sämtlichen Dokumenten, die bestätigen, dass ich wirklich ich bin und und dass ich das Recht auf einen Pass aus Kanada habe.

Jetzt haben mir diese Helden der Botschaft eine Seite dieses überaus mühsam auszufüllenden Formulars stinkfrech zerrissen und retourniert. Unglaublich so eine Sauerei. Grund dafür ist, dass meine Mutter nicht bestätigen darf, dass ich das Recht auf einen kanadischen Pass habe, obwohl sie ja erstens meine Mutter ist und zweitens ebenfalls dieses Recht hätte einen solchen Pass zu besitzen. Also wohl grössere Idiotien habe ich noch selten erlebt.

Auf jeden Fall darf ich nun jetzt dieses überaus komplizierte Formular nochmals ausfüllen und dann mit der Unterschrift und Angaben eines Arztes versehen lassen, der bestätigen kann, dass es mich gibt und dass ich wirklich der bin, von welchem sie zwei überaus tolle Fotos (ich will mich ja nicht selbst loben, dies liegt nur an der Fotografin, die mich so schön ins richtige Licht gesetzt hat) erhalten haben.

So das wärs fürs erste, aber eben diese Hürde werde ich auch noch nehmen und dann ruft die neue Heimat bald...

bis bald, a tout a l'heure, see you soon, .... :-)

Bald ist es soweit

In wenigen Monaten - genauer gesagt am 6. Juli 2008 - werde ich für 3 Monate meine Zelte in der Schweiz abbrechen und mich nach Vancouver (British Columbia, Kanada) begeben um meine Englischkenntnisse zu vertiefen. Ich bin schon riesig "chribbelig" auf dieses neue Erlebnis und möchte diese mit euch teilen.

Ihr könnt mich somit nicht wirklich per Händy erreichen, da ich ja bekanntlich 12 Stunden Zeitverschiebung haben werde. Dann kommt noch dazu, dass ich immer dann wach sein werde, wenn Ihr schon am schlafen seid und umgekehrt. Ich hoffe auch, dass ihr mich während meinen Ruhezeiten bitte nicht stört :-) hehe.

Erreichen könnt ihr mich aber jederzeit per email --> die ihr hoffentlich alle habt :-) oder per Post oder per diesem extra für euch eingerichteten Blog, wo immer das neueste draufstehen wird was ich gerade so anstelle etc.

So nun genug gelabert, ich freue mich auf eure Kommentare und eure Emails.

Bis dann...

Chaisen (heisst so viel wie CIAO :p)


View Larger Map

Vorbereitungen laufen auf Hochtouren

nun ist es endlich soweit. Ich habe die Zusage von ricardo.ch erhalten und werde vom 6. Juli bis zum 30. September 2008 in Vancouver (British Columbia, Kanada) sein und dort mein Englisch festigen.

Zu eurer Info ich werde dort an der iTTTi Vancouver einige Business Module besuchen und euch dann laufend über die Lern- und Freizeitaktiväten informieren. Aktuell weiss ich nur dass der Flug gebucht ist und was der ganze Spass kosten wird (exklusive Freizeit :P).

So mal schaun. Also ihr höhrt von mir bis dann irgendwann.

PS: Meine Wissen sollte durch diese Wochen in diesen Bereichen verbessert werden :-) :

Module 1 - Starting out in Business

• Englisch Grundwortschatz
• Starting on Business
• Selecting a personal business Venture
  

Module 2 - Marketing

• Introducing to Marketing
• Marketing Research & Consumer Behaviour, Product Chapters
• 4P : Product, Price, Promotion, Place
• Management & Personnel
  

Module 3 - Finance

• Finding Capital
• Income Statements & Cash Flow
• Balance Sheets
  

Module 4 - Producing a professional Business Plan

• Putting it Together
• Presentations
• Wrap-Up